Жаппай ашық онлайн курс: Web - программалау

Білім алушыларға Web-технологиялардың негіздерін меңгерту, HTML, CSS және JavaScript тілдерін пайдалана отырып заманауи Web-беттерді әзірлеу, безендіру және интерактивті элементтермен толықтыру дағдыларын қалыптастыру.

• Web-технологиялардың негізгі ұғымдарын меңгерту;
• HTML тілінің құрылымы мен негізгі элементтерін үйрету;
• Web-бет мәтінін құрылымдау және форматтау дағдыларын қалыптастыру;
• кестелер, тізімдер, гиперсілтемелер және формалар құруды үйрету;
• CSS көмегімен Web-беттерді безендіру тәсілдерін меңгерту;
• JavaScript-ті HTML құжатында қолдану дағдыларын қалыптастыру;
• Web-сайт әзірлеу конструкторларымен жұмыс істеуді үйрету;
• практикалық Web-жобаларды әзірлеу қабілетін дамыту.

Білім алушы:

1. Web-беттерді жобалау және әзірлеу;
2. HTML, CSS және JavaScript құралдарын тиімді пайдалану;
3. Web-контентті құрылымдау және безендіру;
4. интерактивті Web-элементтерді жасау;
5. Web-сайттарды тестілеу және жетілдіру;
6. заманауи Web-конструкторларды пайдалану құзыреттерін қалыптастырады.

Курс соңында білім алушы:

1. HTML-құжаттың құрылымын түсіндіреді және құрады;
2. Web-бет мәтінін форматтайды;
3. кестелер, тізімдер, гиперсілтемелер және формалар жасайды;
4. CSS арқылы Web-бетті безендіреді;
5. JavaScript кодын HTML құжатына енгізеді;
6. қарапайым интерактивті Web-беттер әзірлейді;
7. Web-сайт конструкторларын пайдаланып сайт жасайды;
8. өз бетінше шағын Web-жобаны әзірлеп, нәтижесін ұсына алады.

Курсқа дейін білім алушының ақпараттық-коммуникациялық технологиялар, компьютерлік сауаттылық және алгоритмдеу негіздері бойынша бастапқы білімі болғаны жөн.

Курс нәтижесінде қалыптасқан білім мен дағдыларды Web-бағдарламалау, Front-end әзірлеу, ақпараттық жүйелерді жобалау және Web-жобаларды әзірлеу бағыттарында қолдануға болады.

• практикалық тапсырмаларды орындау;
• жеке тапсырмалар;
• ағымдық бақылау;
• Web-жобаны әзірлеу;
• жобаны қорғау;
• қорытынды бақылау.

1. Robbins J. N. Learning Web Design: A Beginner’s Guide to HTML, CSS, JavaScript, and Web Images. 6th ed. — O’Reilly Media, 2025.
2. McFedries P. HTML, CSS, & JavaScript All-in-One For Dummies. — Wiley, 2023.
3. Simon M. JavaScript for Web Developers: Understanding the Basics. — Apress, 2023.
4. Wilson K. The Absolute Beginner’s Guide to HTML and CSS: A Step-by-Step Guide with Examples and Lab Exercises. — Apress, 2023.
5. Hart-Davis G. Teach Yourself VISUALLY HTML and CSS. 2nd ed. — Wiley, 2023.
6. Янцев В. В. Разработка web-страниц на HTML, CSS и JavaScript: учебное пособие для вузов. — Санкт-Петербург: Лань, 2024. — 148 с.
7. Сапрыкин А. Н. Основы веб-программирования: HTML 5, CSS 3, JavaScript: учебное пособие для вузов. — Москва: Лаборатория знаний, 2024. — 248 с.

1. MDN Web Docs — HTML, CSS және JavaScript бойынша заманауи анықтамалық және оқу материалдары.
2. W3Schools — HTML, CSS және JavaScript бойынша интерактивті оқу материалдары мен практикалық тапсырмалар.
3. freeCodeCamp — Web-бағдарламалау және Front-end әзірлеу бойынша онлайн курстар мен практикалық жаттығулар.
4. JavaScript.info — JavaScript тілін үйренуге арналған заманауи электрондық оқу ресурсы.
5. HTML Living Standard — HTML стандартының ресми техникалық сипаттамасы.

1. Sublime Text — HTML, CSS және JavaScript кодтарын жазуға және өңдеуге арналған мәтіндік редактор.
2. Visual Studio Code — Web-қосымшаларды әзірлеуге арналған код редакторы.
3. Google Chrome — Web-беттерді қарау, тестілеу және әзірлеу құралдарымен жұмыс істеуге арналған браузер.
4. Mozilla Firefox — Web-беттерді тестілеу және әзірлеу үшін қолданылатын браузер.
5. Microsoft Edge — Web-беттерді қарау және тестілеуге арналған браузер.
6. Figma — Web-беттердің интерфейсі мен дизайн макеттерін әзірлеуге арналған құрал.
7. Git және GitHub — Web-жобаларды сақтау, нұсқаларын басқару және бірлесіп жұмыс істеуге арналған құралдар.
8. Web-сайт конструкторлары — код жазбай Web-сайттарды әзірлеу және жариялау үшін қолданылатын платформалар.

Білім алушылар оқу барысында академиялық адалдық қағидаларын сақтауға міндетті. Практикалық және өзіндік жұмыстарды орындау кезінде білім алушы өз бетінше жұмыс істеп, пайдаланылған ақпараттық және әдеби дереккөздерге сілтеме жасауы тиіс.

Курс барысында:

• дайын жұмыстарды немесе басқа білім алушылардың жұмыстарын көшіруге жол берілмейді;
• басқа авторлардың идеяларын, мәтіндерін, бағдарламалық кодтарын және дайын Web-жобаларын дереккөзге сілтемесіз пайдалануға болмайды;
• пайдаланылған әдебиеттер мен электрондық ресурстар міндетті түрде көрсетіледі;
• практикалық тапсырмалар мен Web-жобалар білім алушының өз бетінше орындаған жұмысы болуы тиіс;
• жасанды интеллект құралдарын қолданған жағдайда, олардың пайдаланылуы оқытушының талаптарына сәйкес ашық көрсетілуі қажет.